كلام الشباب بمفهوم الشباب

كلام جديد جدا جدا ويريت يكون مفيد جدا جد



* زى الجلاش معناها زى الفل
* انت واكل فول وجى تقول ( دى لو لحد رغاى )
* انت واكل جبنة وجى تتعبنا ( دى لو لحد بيرترت فى الكلام )
* انت واكل مخلل وجى تهلل ( دى لو حد بيعلى صوته )
* ولا يهزك ( يعنى ولا يهمك )
* خوخ ( يعنى اعتراض اوىىىىىىى )
* على فكرة سبع حروف ( ودى قليلين اللى هيفهموها )
* فى الواقع فى البحر قواقع
* على العموم السمك بيعوم
* على العموم فى الفم بلعم
* على فكرة احلى من على سهوة
* قطر دخل فى بنزيمة ولع ( ودا يقولها حد عايز سجارة من حد تانى )
* الاستكنس منانا فلح ( يعنى انا مليش دعوة وانا همشى )
* متكريزنيش عليك ( يعنى متجننيش عليك)
* يابمبى ( يعنى ياصديقى )

وى بقى الجمل المكتملة وانا هئولكو جمله وحده بس

( اية يامان ) ردها ( جبنه ولبان ) ردها ( مستكه وحبهان ) ردها (كيس لبان )

ولا اقولكو انا هقول وحده تنية عشان خاطركو

( انت اية ) ردها ( قلبظ بجنية ) ردها ( بوزو وكراتية ) ردها ( بطاطس وفراخ بانية )

على فكرة انا بدور لى عروسة بس لما اشترى طقم اسنان جديد واغير الايد البلاستيك بتعتى وكمان اجيب ركبة غير اللى اتخلعت منى انبارك وانا بعدى الطريق !!!!!!!!!!!!!!!!!!!! على فكرة انا بهزر فى كل حاجه الا انى بدور على عروسة ههههههههه

هههههههههه
حلوه يا nemo بس بجد جيل ما يعلم بيه الا ربنا هههههه
وربنا يرزقك ببنت الحلال

الله الله علية وانا كاتب حجات حلوة الله علية وانا بتدلع مع الكتابة الله الله علية وانا كاتب اللى محدش كتبو الله الله علية وانا بتمختر فى الكتابة الله طبعا كل اللى بيقرى اكيد بيقول الله يخدنى بس انا كنت بهزر ويريت تعتبرونى اخوكم جدا اخوكم اوى انا نيمو من الجالية المتحده ( مصر ) ام القرى

تمام بس مش كل الشباب بتستخدم الالفاظ ديه بس الله على موضوعك يا نيمو ياريت حاجات اكتر من النوع ده